Davao City – Ilusad karong umaabot nga adlawng Biyernes, Pebrero 15, 2019 ang laing hugna sa job fair uban ang Public Employment Service Office kun PESO Davao.
Kini ang gibutyag ni PESO Davao manager Lilibeth Pantinople atol sa interview kaniya ni RadyoMaN Misel Miral-Galve sa tulumanong Serbisyong Straight to the Point.
Sumala ni Pantinople, usa ka adlaw nga ipahigayon ang maong job fair sa Crossing Bayabas Toril gym ning dakbayan diin adunay 20 ka mga lokal nga kumpanya ang nagkumpirma na niini.
Gawas sa local jobs, aduna usab naghulat nga trabaho sa abroad alang sa mga manimpalad gawas sa nasud.
Subay niini, nagpahinumdom ang PESO-Davao ngadto sa mga interesado nga dal-un ang mga basic requirements sama sa latest resume o di ba kaha bio data, school documents samtang alang sa mga nagapangita og trabaho abroad, mamahimong ipa photocopy daan ang passport.
Alang sa dugang mga pangutana mamahimong muadto sa PESO Davao main office nga nahimutang sa Davao City Recreation Center sa may Quimpo Boulevard ning syudad o di ba kaha mutawag sa ilang contact number nga 233-6890.
RadyoMaN Renz Barbarona
