Davao City- Gikalipay sa netizens ilabi na niadtong mga fresh graduates ang Maritime Job Fair nga mahitabo karong September 15, 2023 sa NCCC Mall Buhangin, gikan alas 7:00 sa buntag hangtod alas 4:00 sa hapon.
Sa interview sa DXDC RMN Davao sa usa ka Mariell Sumilhig, gikanayon niya nga dako kaayo ning tabang sa katawhan nga naglisod sa pagbaton og trabaho ug kini maayong oportunidad alang sad sa mga nangandoy nga makagawas sa nasud.
Ang maong Job Fair usa ka programang hatod sa Maritime Industry Authority XI kaalayon ang Public Employment Service Office (PESO) Davao City, Department of Labor and Employment (DOLE) XI, Department of Migrant Workers- Davao Region, ug City Government of Davao.
Pangunahan sa Marina XI ang job fair caravan subay sa ilang selebrasyon sa 2023 Maritime and Archipelagic Nation Awareness Month.
RadyoMaN Ivy Parido
Facebook Comments
