Davao City- Job related angle maoy gituhoang motibo sa pagpusil-patay sa usa ka police sa syudad sa Panabo.
Sa interview sa DXDC RMN Davao, gisulti ni Police Regional office (PRO-XI) acting spokesperson Police Senior Inspector Catherine Dela Rey, kini ang migawas nga resulta sa imbestigasyon kabahin sa pagpusil patay kang Senior Police Officer 2 (SP02) Orlando Badar, 50 anyos, minyo, nagpuyo sa Barangay Lunga-og, Sto.Tomas Davao del Norte, ug na-assign sa Paquibato Police Station ilawom sa Davao City Police Office.
Sumala sa report gikan sa kapolisan sa Panabo, gipusil ang biktima samtang nagsakay sa iyang motorsiklo didto sa Purok 2, TADECO Road, Barangay Malitbog syudad sa Panabo sa duha ka wa mailhing lalaki nga nagsakay sab og motorsiklo. Human sa pagpusil, mga suspect gilayon milayas padulong sa sentro nga bahin sa Panabo, samtang laing duha ka mga tawo nga nagsakay og motorsiklo ang miduol sa biktima ug gikuha ang iyang pusil.
Gihatod pa sa tambalan si Badar, apan sa di madugay gideklara kining dead on arrival.
Kasamang Bernard Pantallon
