Davao City – Giagni karon sa Public Employment Service Office kun PESO-Davao ang mga job seekers alang sa abroad nga muadto sa mga opisina sa PESO, sa main man o district offices dinhi sa syudad aron magpalista.
Sumala ni Lilibeth Pantinople sa PESO-Davao atol sa interview kaniya ni RadyoMaN Misel Miral-Galve sa Serbisyong Straight to the Point, halos kada adlaw adunay mga ahensya gikan sa kaulohan ang naga koordinar sa ilang opisina aron maglusad og Special Recruitment Activity kun SPA.
Subay niini, buot sa PESO-Davao nga magpalista daan sa ilang opisina ang mga interesado aron matawagan og adunay mga naka-schedule nga SPA.
Ang office sa PESO-Davao nahimutang sa Davao recreation center kanhi Almendras Gym compound sa may Quimpo Boulevard ning syudad.
Mamahimo usab mutawag sa ilang contact number nga 233-6890 alang sa uban pang mga pangutana.
RadyoMaN Renz Barbarona
