Davao City – Nanghinaut ang mga job seekers nga matuman ang usa sa ilang mga Christmas wish nga mao ang makatrabaho.
Kini ang gilauman sa usa sa mga nangita og trabaho nga si Wowie Villanueva, 23 anyos ug taga Kabacan North Cotabato kinsa nag apply sa gilusad nga job fair sa Public Employment Service office kun PESO Davao karong adlawa, Disyembre 7 sa UM Bolton Gym ning syudad.
Sa interview sa DXDC RMN Davao, dako iyang pasalamat sa PESO job fair nga “Maagang Pamasko Trabaho Para sa Inyo” gumikan nahatagan siya og oportunidad nga makasuta og mga trabahong pwede niya masudlan.
Hinuon sa karon, naghulat na lamang siya sa resulta sa gihimong interview sa employer kaniya.
Samtang giawhag karon ni Larry Barn Baltazar, SPES coordinator sa PESO-Davao ang mga interesadong aplikante nga mamahimo pang muapas sa job fair kutob alas 4 karong hapon diin kapin pulo ka mga kumpanya ang nagapangita og mga empleyado sama sa sales marketing, cashiers, baggers ug uban pa.
Dugang niini, mamahimo lang magdala og resume ug supporting documents alang sa interview.
RadyoMaN Renz Barbarona
