Jobhire sa Iloilo City Hall naggamit sang tuhay nga ngalan agud panaguan ang kaso nga rape

131

ILOILO CITY – Dakop sa gahum sang warrant of arrest ang suspek nga si Roberto Lingad Sr., 38 anyos ang edad nga nagapanago sa ngalan nga si Joel Cuevas-Minerva kag residente sang Brgy. Calaparan, Arevalo.
Ginserbehan sang warrant of arrest si Lingad sa atubang mismo sang Iloilo City Hall bangud sa kaso nga rape.
Nagatrabaho si Lingad bilang peer facilitator sa Community Change Center sang syudad sa distrito sang Arevalo.
Bangud sini ginpahayag ni Atty. Hernando Galvez, city administrator nga ginkakas na sa iya posisyon si Lingad bangud sang iya kaso.
“It alarms us but at the same time, we are happy. Duha ang nabatyagan ta, kasubo kag kalipay,” siling ni Galvez.
Sa record natukiban nga ang kaso natabu sa isa ka banwa sa probinsya sang Capiz kun sa diin ang kaso nagalakip sang statutory rape, acts of lasciviousness, sexual violence in relations sa RA 7610, RA 9262, kag physicial violence in relation to RA 9262.

Facebook Comments