Ginkumpirmar sang ABS-CBN nga naka-indefinite leave sa network si John Lloyd Cruz.
Sa statement nga ginpagwa ni Kane Choa, tagpamuno sang Integrated Corporate Communications sang nasambit nga TV network nga naka-post sa ila nga Instagram, ginasiling nga naghilisugot si Cruz kag ang network para sa indefinite leave of absence sang aktor.
Personal matters ang ginbutang nga rason sang leave ni John Lloyd sa showbiz.
Suno sa network, mapahuway danay sa luwas sang pungsod si John Lloyd kag mabalik man ini sa ABS-CBN pagkatapos sang iya leave of absence.
Indi man klaro sa statement ang rasun sang leave.
Matandaan nga sang mga nagligad nga semana, nangin viral kag trending ang mga photos ni John Lloyd kag sang sexy actress nga si Ellen Adarna.
————
Like our official Facebook page: www.facebook.com/ifmbacolod943
