ILOILO City – Nagpanawagan si Department of Tourism (DOT) 6 Director Atty. Helen Catalbas sa mga Ilonggo nga mangin maalam kon ano ang syudad sang Iloilo.
Ini agud sila mismo ang magaserbe nga Public Relations Officer sang syudad kon may ginapamangkot ang mga turista sa syudad.
Sa pinaka-una nga “Joyride Ta Project” sang Department of Tourism kag Iloilo City Government, ginpahayag ni Catalbas nga importante nga may ihibalo ang tanan pati na ang mga street sweepers kag traffic auxiliaries kon ano ang mga matahum nga lugar nga mahimo bisitahan sa syudad sang Iloilo.
Pahayag ni Atty. Catalbas kon nagadalum ang ihibalo sang isa ka tawo sa iya lugar, mas palanggaon niya ang lugar nga gindak-an.
Kahapon, Disyembre 17, 2018 ang una nga batch sang mga frontliners sang mga hotels kag restaurants nga nag-upod sa palibot sang syudad nga kabahin sang “Joyride Ta Project.”
Magaserbe ini nga familiarization tour sa mga frontliners agud sila mismo makahibalo magsabat sa palamangkutanon sang mga turista nga magabisita diri sa Iloilo.
Photo ctto
