Gin-aku ni anay four division champion Juan Manuel Marquez nga ginbalibaran niya ang $100 million offer agud liwat nga makasumpong sa ika-lima nga higayon si Boxing champion kag fighting senator Manny Pacquiao.
Suno sa 44-anyos nga Mexican boxer, matapos ang ila sambuwa sadto ni Pacquiao kon sa diin ginpatulog niya ini sa ika-anom nga round, may nagtanyag sa iya nga negosyante sa Pilipinas nga nag-offer sang $100 million agud liwat ini nga atubangon ang Pinoy pride sa Pilipinas.
Ginsiling ni Marquez nga indi na siya interesado mag-atubang pa kay Pacquiao bangud daku na sini nga kadalag-an ang iya pagknock-out sa 8 time division champion sadtong 2012.
Facebook Comments
