Con sais maga pasahero quien abordo na un JUNKUNG el ya pwede salva el MV Stephanie Marie- 2 pasada alas kwatro ayer tarde despues man baliskat estos apuera del la mar del ciudad de Isabela.
Na report di RadyoMaN Richard Falcatan ya pwede sabe que el Maga pasahero quien abordo c0n el Jungkung am0 el maga siguiente,
1. KADIL ACALUL-Hefe del Basilan Bureau of Fire Protection 2. CATALINO GUTOS JR., 3. BAELANIE PATORAI 4. JOSEPH CABCABAN 5. LESTER JAKE DELA CERNA 6. MARITES ISMAEL
Encamino el sais maga pasahero para na ciudad de Zamboanga y kwando ya llega lampas na Bucana ya ase cunestos hampas el bien grande-grande marihada razon para man baliskat el Jungkung.
Ya alcanza mas de media ora ta man lutaw el sais maga mencionao pasahero.
Asegun kun el operator del Jungkung si Nassal Pajing, el sais maga atribido pasahero ya insisti conele para lleva kanila na ciudad de Zamboanga despues cancela el Phil. Coastguard contodo el viahe este tarde del maga barko desde Isabela City para na ciudad de Zamboanga porcausa con el mal tiempo.
