Marerelease na an One time-cash assistance nga P5,000.00 para ha mga estudyante ha kolehiyo nga naka enroll dida han 2nd semester school year 2016-2017 ha Pampubliko ngan Pribado nga mga eskwelahan ha kolehiyo ngan ini nga mga estudyante in biktima han Super typhoon Yolanda.
Sumala kan Mr. Gabino Petillos , Head han Student Services Division han Commission on Higher Education Region 8, nga guin fifinalize na nira an Notice of Awards ha mga SUC’s ngan posible sunod nga semana in ma i-download na an kwarta ha mga eskwelahan.
Dugang pa ni Petillos, nga 60, 000 nga slots an ginhatag ha ira han CHED Central Office para han mao nga cash assistance pero sobra 40,000 la nga mga estudyante an makakatagamtam hini base ha mga nakalanat nga ihap han mga estudyante nga ginsumiter han kada State Universities and Colleges.
Pahimatngon ni Pettilos, nga madiretso nala an mga estudyante ha ira eskwelahan pag claim hiton P5,000.00 cash assistance.
Nagpatapod naman an mao nga opisyal, nga ugsa pa matapos an Septyembre in maihahatag na an one-time educational grant ha sobra 40,000 nga mga estudyante.
