Davao City – Malagmit nga taas ang proseso sa pagkab-ot sa hustisya dinhi sa nasud-Pilipinas apan dili kini babag haron atong panganduyon ang pagbaton niini bisan pa man kun magkina-unsa.
Panglantaw kini nga gi-share karon sa radio social commentary program ‘Straight to the Point’ ni Prof. Arnold Abejaron, college of law professor sa premier Ateneo de Davao University (ADDU) sa isyung ‘Roxas Remembered’ agig paghandum sa mag-usa ka tuig na nga mapait nga insidenteng Roxas Night Market bombing incident diin 15 namatay ug laing 70 samaron niadtong higayuna.
Sigun kang Abejaron, normal na nga molanat gayud ug dugay ang kinatibuk-ang proseso sa hudikatura konsiderahon nga daghan ang mamahimong kawsa kun ‘variables’ nga dili malikayan.
Base sa iyang kasinatian, dili kalikayan nga ang matag partido mangayo ug postponement ilabi na kun dili available ang mga mo-testigo o bin ba kaha kun wala pa sa hurisdiksyon sa hukmanan ang mga suspetsado ilabi na nga dili masayon ang pagdakop sa mga idlas nga klase sa mamumuno sama niadtong nihimo sa nilu-og nga Roxas bomb blast.
Sa pikas bahin, gipangayo sa mga yanong tigpaminaw ang pagpadayon sa legal processes, pag-move on sa mga pamilyang nawad-an ug mahal sa kinabuhi ingon man ang padayon natong pagkama-igmaton sa tanang panahon.
Kasamang June Duterte
