Davao City – Angayang i-reporma ang criminal justice system sa nasud Pilipinas aron mas masuportahan ang kampanya batok iligal nga druga sa Duterte Administration.
Kini maoy rekomendasyon ni Rafael Alunan III, kanhing Department of Interior and Local Government (DILG) secretary, atol sa pakighinabi kaniya sa tulumanong ‘Straight to the Point’ ngadto sa kongreso kaniadto pa.
Sumala niini nga importanteng i-reporma ang criminal justice system gumikan daghan ang mga lakip sa sindikato sama sa mga awtoridad, prosecutors, judiciary ug sa presohan.
“Kailangan sipain sila sa gobyerno dahil sa pinaplano pa lang yung mga kampanya kontra (iligal nga) droga alam na nung nasa kabila so kailangan ng housecleaning muna,” segun niini.
Sa pikas bahin, gi-uyonan usab ni kanhi DILG Sec. Alunan ang pag reimpose sa capital punishment kun death penalty hilabi na sa mga krimen nga kalabutan sa iligal nga droga.
Gipasabot niini nga aron mapadali ug mapakusgan ang kampanya batok iligal nga droga, gikinahanglan magkahiusa ang nasud Pilipinas ug uban pang nasud nga miyembro sa ASEAN diin pareho ang ginapatuman nga balaud, palisiya ug operasyon.
RadyoMaN Jason Amisola
