K-10 curriculum sugdan sa 35 ka mga eskwelahan, Davao Region wala pa maapil

Davao City – Gipahibalo sa Department of Education (DepEd) nga magsugod na ang pilot implementation, alang sa bag-ong K-10 MATATAG Curriculum sa pipila ka mga tulunghaan sa Pilipinas karong September 25, 2023.

Sa pakighinabi sa DXDC RMN Davao kang Jenielito Atillo, tigpamaba sa DepEd-XI, iyang giklaro nga wala pay public school ang nalakip sa magpatuman sa pilot test sa Davao Region.

Base sa gipagulang listahan sa DepEd, 35 ka mga tulunghaan sa Pilipinas ang mosalmot sa maong pilot implementation, lima gikan sa National Capital Region (NCR), lima sa Cordillera Administrative Region (CAR), Ilocos Region, Cagayan Valley, Central Visayas, Soccsksargen, ug Caraga Region.

Matud pa ang resulta niini, mamahimong basehan kung paunsa dumalaon sa buhatan ang full phased implementation alang sa umaabot nga school year 2024-2025.

Ang revised K-10 o MATATAG Curriculum: Bansang Makabata, Batang Makabansa gilayong kuhaan ang learning areas ug tutukan pa sa mga eskwelahan, ang pagtuki sa foundation subjects sa klase sama sa Language, Reading and Literacy, Makabansa ug Good Manners and Right Conduct (GMRC).

RadyoMaN Ivy Parido