NEGROS OCCIDENTAL – Gin-aresto sang mga utoridad ang spokesperson sang National Democratic Front of the Philippines, NDFP nga si Ka Frank Fernandez kahapon sang kaagahon sa Brgy. Calumbang banwa sang Nagcarlan sa probinsya sang Laguna.
May mga las 5:16 kahapon sang kaagahon, tigayon nga madakpan si Ka Frank sa Brgy. Calumpang, banwa sang Nagcarlan pinaagi sa isa ka warrant of arrest nga gin-serve sa ginpatigayon nga joint operation sang Philippine Army kag sang Laguna Provincial Police Office.
Kalakip sa nadakpan amo ang iya deputy kag asawa nga si Cleofe Lagtapon.
Nahibaluan nga si Ka Frank ang gindakup pila ka adlaw matapos man nga nadakpan ang NDFP peace consultant nga si Renante Gamara sa Imus City, Cavite sadtong nagligad nga semana.
Si Ka Frank ukon kilala man sa aliases nga Ibarra, Ago, Suilo kag Alyas Kanor ang madugay na nga wanted bangud man sang kaso nga 4 counts of murder kag attempted murder./DYHB NEWSROOM
