Ginpanindugan ni Councilor Plaridel Nava nga suportado sini ang kampanya ni Presidente Rodrigo Duterte kontra sa illegal nga druga.
Suno kay Nava nga antis pa man nangin Presidente si Duterte, madugay naman siya nga naga-away sa illegal drugs kon sa diin iya pa gin-expose ang kaangtanan ni Mayor Jed Patrick Mabilog sa mga drug lords.
Sa pihak sini, ginpahayag ni Nava nga apisar nga gin-angut niya ang alkalde sa mga drug lords, apang indi ini suno sa iya rason agud patyon ini.
Ini ang pahayag ni Nava angut sa pag-assign ni Pangulong Duterte kay Police Chief Inspector Jovie Espenido sa siyudad sang Iloilo.
Suno sa iya nga apisar iya gin-angut si mayor mabilog sa mga drug lords, apang indi dapat suno sa iya maglab-ot sa punto nga matabu man sa Alkalde ang natabu sa mga Mayor sang Albuera, Leyte kag Ozamis City nga napatay sa anti-drug operation.(sspunay)
