Davao City – Wala maka-uyon ang Alliance Women of the Philippines (AWP) Metro Davao District Chapter sa pagtaktak sa 30 mil ka tawo isip benepisaryo sa Pamilyang Pilipino Pantawid Program (4Ps).
Matud ni AWP Davao City Chapter Convenor Cris Ombis nga mas maayo gihatagan lang usa og warning ang mga ginikanan nga nagbinuang sa 4ps’s ug dili insigada ang pagtanggal kanila sa programa.
Segun sa convenor, inay gitaktak mas nindot unta nga gipailawom una sa monitoring ug usa-usahon og istoryahon ang mga hingtungdan kay luyo sa ilang gihimo luoy kaayo sila ug labaw na ang mga anak.
Hinoon wala sirad-i sa mao nga convenor ang posibilidad nga adunay mga arangan og kahimang sa kinabuhi nakapahimulos sa cash transfer program sa gobyerno.
Apan nagtoo si Ombis nga gituyo pag-apil sa mga barangay opisyal ang mga arangan sa kinabuhi aron dili sila mawad-an og boto pag-abot sa sunod nga piniliay.
Ug aron wala nay maayo og kahimtang maglipay sa 4Ps program, mas nindot adunay close monitoring, screening ug klaro nga endorsement gikan sa barangay level.
Giingon sa Parents Mobilization Action Group (PMAG-Davao City) gipahuman lang unta ang klase sa Marso ayha gitanggal ang 30 mil ka benepisaryo sa 4Ps kay ang labaw luoy mao ang mga bata nga interesado mag-tungha.
Gisulti ni PMAG Convenor Febe Matthew, malikayan unta ang abuso sa programa kun naghimo ang Department of Social Welfare and Development (DSWD) og evaluation ug monitoring sa mga aplikante sa 4Ps unta walay mga mapa-himuslanon nga nakadawat sa programa.
RadyoMaN Joel Viray
