Davao City – Nadamyos ang duha ka balay sa may purok 12-B, Brgy. 76-A ning syudad sa Davao tungod sa paghapak sa kusog nga balud sa kabalayan kaganinang buntag.
Sa interview sa DXDC RMN Davao kang brgy 76-A captain Rolando Trajera, sumala niya nga duha ang totally damage samtang gibana-banaang anaa sa 9 or 10 ang partially damage samtang ang kapin 20 ka mga balay giingong apektado apan walay damyos.
Matud niya nga base kini sa assessment sa City Social Services and Development Office kun CSSDO nga gihimo kaganina diin sumala sa kapitan nahatagan na og pasiunang hinabang ang mga naapektuhan sama sa pagkaon ug ipadayon ang assessment niini ugmang adlawa.
Sa karon, temporaryong namuyo ang ubang pamilya nga nagubaan og balay sa ilang mga paryente samtang nakabalik sa mga tagsa-tagsa ka mga panimalay ang ubang apektadong pamilya human nga mibalik na sa normal ang balud.
RadyoMaN Renz Barbarona
