Davao City- Gihatod na sa iyahang ulahing kapahulayan ang 10 anyos nga biktima sa lugos sa Barangay Dalagdag, Calinan ning dakbayan sa Davao.
Tungod usab sa kapit-os sa kinabuhi, sa usa ka luna sa maong barangay ang nagsilbi niining lubnganan.
Sa interbyu sa RMN Davao sa iyaan nga si Violeta Ambuat, nangayo kini’g tabang nga mapasemento ang lubnganan sa biktima.
Sumala sa iyaan naningkamot kini sa pagduol sa mga opisina sa gobyerno aron matabangan sila sa galastuhon sa pagpahiluna sa biktima tungod wala gayod silay ikagasto tungod sa kalisod.
Subay niini, hustisya ang padayon nilang singgit ug dili gayod nila iatras ang kaso batok sa suspek nga si Joshua Pilongo, 20 anyos nga usa ka CAFGU Active Auxiliary (CAA).
Kahinumduman, nga gipasang-at ang kasong Rape with Homicide batok sa suspetsado niadtong Abril 13, 2023.
RadyoMaN Aimee Guinita
Facebook Comments
