Kabanay sa driver nga mitulis sa pasahero sa Tigatto diskumpiyado

Davao City – Nagtuo ang pamilya sa lalaking nagtulis sa estudyante niadtong Agusto 9, 2023 sa Deca Tigatto, Buhangin District, Davao City nga dili mabuhat ug posibleng planado lamang ang pasangil, kini ang reaksyon sa duha ka iyaan sa suspetsado.

Sa interview sa DXDC RMN Davao kang Nanay “Damat”, iyaan sa suspect nga sakit alang kanila, ang nahitabo sa iyang pag-umangkon tungod pamilyado kini ug adunay upat ka mga anak.

Segun ni Damat, maglisud sila sa pagtuo nga mabuhat sa iyang pag-umangkon, tungod bag-o pa lamang nagloan ang iyang asawa ug adunay dala nga kuwartang kapin P10,000. Hinuon gi-angkon ni Damat, ang iyang pag-umangkon kanhi napriso tungod sa droga ug nakagawas niadtong 2021.

Hustisya usab ang singgit sa pamilya sa kamatayon sa suspect nga si Alvin Kima Saligpon, 39 anyos, driver kasa gilubong na niadtong Agusto 9, 2023 sa sementeryo sa Muslim sa Brgy. Mandug, Buhangin District, Davao City.

Una niini gibarugan sa Mandug Police Station, misukol ang suspetsado sa kapulisan sa gipahigayong hot pursuit operation nga miresulta sa kamatayon.

RadyoMaN Don Pulayao