Davao City – Hustisya ang singgit sa kabanay sa babayeng biktima nga si alyas “Mea,” nga gipusil-patay sa iyang kalive-in partner nga pulis, giilang si Patrolman Dinoy, sulod mismo sa ilang giabangan nga balay sa Purok 11, Bonifacio Bataan St., Brgy. Zone 3, alas-8:40 sa gabii, Agosto 31, 2025.
Sa eksklusibong pakighinabi sa DXDC RMN Davao kang alyas “Mar,” 26 anyos ug kabanay sa biktima, iyang gibutyag nga magpasaka gyud sila og kaso batok sa suspetsado.
Dugang pa niini, anaa sa kritikal nga kondisyon ang inahan sa biktima nga si alyas “Lala,” nga karon padayon nga ginatambalan sa Southern Philippines Medical Center.
Matud pa, naapektuhan sab ang 3-anyos nga anak sa duha nga nakasaksi sa maong krimen ug kasamtangang nag-atubang og trauma.
Kasamtangan, ang lawas sa biktima anaa pa sa usa ka funeral home sa Digos City ug gikatakdang ipailawom sa autopsy.
RadyoMaN Kareen Beltran
Facebook Comments
