Davao City – Mag-usa ka tuig na sa Agosto 2024, apan matud sa pamilya ug kabanay, wala gihapon nahatagan og hustisya ang pagka-missing ni Justine Mae Saldua, ang house helper nga taga Baragay Upper Ulip, Monkayo, Davao de Oro.
Sa interview sa DXDC RMN Davao sa kabanay ni Saldua, iyahang gibutyag nga blangko gihapon sila kung asa karon si Justine. Naluoy na usab sila sa mga anak ni Justine nga naghandum nga mubalik ang inahan nga una na nilang giingnan nga nagtrabaho lamang sa layong lugar.
Matud sa kabanay, naglaum silang matabangan sila ilabi na nga giduol na nila ang maong concern kang Senador Raffy Tulfo.
Nasayrang nalambigit sa insidente si Police Major Michael Uyanguren, nga kanhi hepe sa Toril Police Station, diin nasayrang sa ilahang balay nanrabaho si Justine ayha kini nawala sa dihang kini namugos nga mouli sa ilang balay kaadlawon niadtong August 29, 2023.
RadyoMaN Kirby Manzon
Facebook Comments
