Davao City – Dili mabayran sa bisan unsang asistinsiya nga ihatag sa kabanay sa mga namatay sa sunog sa NCCC mall Davao niadtong Disyembre tuig 2017 ang kinabuhi sa ilang minahal nga nawala na tungod sa mapait nga insidente.
Usa na dinha ang nag ingon nga si Leah Bacaling, inahan ni Shiela Bacaling, usa sa mga biktima sa sunog diin sa pakighinabi sa DXDC RMN Davao kaniya, nakadawat na siya sa financial assistance gikan sa Department of Labor and Employment-Employees Compensation Commission (DOLE-ECC) Davao region niadtong miaging adlaw lang apan 20,000 pesos una ang nahatag inay P30,000.00 isip funeral assistance.
Sumala pa, tawagan lang kuno sila sa DOLE-ECC aron ihatag ang nabilin nga asistinsiya.
Samtang gisaysay niya ang ika-40 diyas sa iyang anak kaghapong adlawa, naghilak kini sa paghinumdom nga Oktubre pa sa miaging tuig nakita niya ang iyang anak ug naghinam2 na unta nga makita kini niadtong sa Disyembre apan tungod sa maong insidente, nawad an na siyag usa ka anak nga mukumpleto unta sa iyang pasko.
RadyoMaN Renz Barbarona
