Davao City – Wala pa gayod nila hingpit nadawat ang hustisya sa kamatayon sa ilang anak, bisan paman og nahukman na sa korte nga mapreso sa tibuok kinabuhi, ang lima sa walo ka sakop sa Maute Group.
Matud ni Salvador Nagal amahan sa usa sa mga namatay sa Roxas Night Market Bombing nga tuig 2020 pa nakonbikto ug gisentensyahan sa korte og reclusion perpetua, ang lima sa walo ka sakop sa Maute Group, apan hangtod karon daw wala pa gayud nila nadawat sa hingpit ang hustisya sa iyang anak nga namatay sa terorismo.
Segun ni Nagal, mag-upat na ka tuig ang nakalabay sukad gimando sa korte, ang mga akusado nga mobayad og P60 milyones sa tanang biktima sa pagpamomba, apan hangtud karon wa pa gyod sila mabayri niini.
Mapasalamaton si Nagal, kay wa sila pasagdi sa LGU ug gi-abaga ang gasto sa ilang pag-adto sa kaulohan ug personal nilang nasaksihan, ang pagsentensiya sa korte sa mga miyembro sa Maute Group.
RadyoMaN Joel Viray
Facebook Comments
