Ilakip na sang Department of Interior and Local Government ukon DILG ang mga barangay sa Seal of Good Local Governance ukon SGLG Award sugod subong nga tuig.
Suno kay DILG Iloilo City Dir. Atty. Ferdinand Panes luyag niya nga madala sa pinakanubo nga political unit nga amo ang barangay ang SGLG nga ipatuman sa pinakauna nga kahigayunan subong nga tuig.
Ginpahayag ni Panes nga ginahulat na lamang nila ang mga technical notes apang napahibalo na ang mga barangay sang sini nga plano.
Sa sini nga ti-on i-compel na sang DILG ang mga barangays nga mag-perform santo sa programa sang departamento kag iban pa nga mga ahensya sang gobyerno.
Ang mga programa nga ginamando nga ipatuman sang mga barangays amo ang mangin criteria sang barangay SGLG nga amo ang environment, disaster kag social protection.
Ang SGLG passers ang makabaton sang incentive sa idalum sang performance challenge fund apang mas manubo ang amount sa ginabaton sang mga probinsya, syudad kag kabanwahanan.
