Davao City – Gibutyag ni City Mental Wellness Medical Coordinator Dr. Luis Antonio T. Flores nga ginaselebrar sa bulan sa Setyembre ang Suicide Awareness and Prevention Month.
Kini, matud pa, usa ka dakong panawagan alang sa tanang katawhan nga mas labi pang palig-onon ang pag-atiman sa mental health sa matag-usa.
Sumala pa sa datos, tuig 2024 nakatala og 53 ka kaso diin sagad, matud pa niini, mga kabatan-onan.
Dugang pa ni Flores, daghang hinungdan ang mahimong mopukaw sa hunahuna sa usa ka tawo aron maghunos. Apan pinaagi sa suporta sa pamilya, mga higala ug komunidad, malikayan kining makalilisang nga sitwasyon.
Gani, gihatagan usab niini og gibug-aton ang importansya nga mahibal-an ang mga ilhanan sa mga nag-atubang sa mental health issues aron matabangan ug mapugngan.
Busa, kasama, sa simpleng pagpangumusta, makahatag ka og kadasig ug kalipay sa imong higala nga nagproblema.
RadyoMaN Kareen Beltran
Facebook Comments
