Usa ang patay samtang duha ang na-angol sa panagbangga sa usa ka jeep depasahiruan ug tartanilla sa C.Padilla St. kagabii atol gyud sa bag-ong tuig.
Sa facebook post ni Cebu City Disaster Risk Reduction Management Office Chief Nagiel Bañacia nasayran nga ang kabayo nga nagdala sa tartanilla nag-wild samtang nagsubay sa C. Padilla hinungdan nga nanglayat ang tulo ka pasahero lakip niini ang kutsero.
Ang tartanilla nga wala nay sakay nibangga sa PUJ nga adunay rota nga Inayawan-Colon.
Samtang tungod sa kakusog sa impact, ang kahoy nga maoy nagkupot sa kabayo paingun sa tartanilla, niigo sa ilokan sa usa ka lalaki nga pasahero nga si Jerry Bacalso 26 anyos, nagtrabaho sa Central Lumber Corporation nga maoy hinungdan sa iyang kamatayon.
Na-angol sa insidente ang usa ka anyos nga ginang ug lain pang 47 anyos nga lalaki nga pasahero.
