Davao City — Patay ang isa ka mister matapos ini ang ginpatay sang kabit sang iya misis sa syudad sang Davao.
Kaso nga murder ang paga-atubangon sang suspek nga ginkilala kay Esteban Adan, 47 -anyos matapos nga ginpatay sini ang biktima nga si Deby Binarao, 45-anyos ang pang-edaron.
Base sa imbestigasyon sang kapulisan, naaktuhan ni Binarao ang misis sini nga yara sa kuwarto ni Esteban Adan.
May bitbit nga katana ang biktima nga amu kuntani ang gamiton sini sa paglabo sa suspek apang naagaw ini ni Adan.
Nasapwan ang lawas sang biktima nga gin-anod sang tubig baha padulong sa suba sa Sitio Libas.
Sa interogasyon sang mga otoridad kag Adan, aminado man ini nga “syota” niya ang misis ni Binarao.
Ginpanindugan pa sini nga self defense lamang ang iya ginhimu.
Ginpahayag ni Police Major Jerome de Guzman, commander sang Mandug police station, maluwas sa kaso nga murder nga ipasaka kay Adan, magapangatubang man sang kaso nga parricide ang misis sang biktima bangud sa “conspiracy.”
📷 – web via – ABS CBN
