Sa interview sa DXDC RMN Davao kang Dablo, iyang gisaysay nga wala sila magdahom nga makasinati sila sa grabe kakusog nga bul-og sa tubig baha ug sa kalit nga pagsaka niini nga matud pa halos mulebel na sa liog sa tawo.
Gilayong kusog kaayo ang bundak sa ulan niadtong adlawa ug giingong aduna’y nikuso-kuso nga buhawi sa bukid nga bahin.
Dugang ni Dablo nga ang tanang gamit sa ilang pamilya ug kasilinganan lakip na ang bugas ug panginabuhian nahurot og kabasa ug di na mapuslan pa.
Hinuon, anaa na sa luwas nga kahimtang ang ilang pamilya apan sila padayong nagapanawagan sa mga aduna’y mga malumong kasingkasing nga buot mutunol og ginagmay nga tabang alang kanila ug sa uban pang residente sa Sta.Cruz, Davao del Sur nga labing apektado sa pagbaha.
Sa pagkakaron, padayon pang gina-consolidate ug ginapanubayan sa awtoridad kung pila ang natalang damyos ug kung aduna ba’y casualty human ang maong kalamidad.
