CAUAYAN CITY – DAGOK ANG INIWAN NG SUPER TYPHOON “NANDO” SA ISLA NG CALAYAN DAHIL SA MATINDING PINSALA SA KABUHAYAN NG MGA MANGINGISDA KABILANG NA ANG PAGKASIRA NG KANILANG MALILIIT NA BANGKA.
AYON SA MGA RESIDENTE, ANG PAGKAWASAK NG MGA BANGKA AY NAGDULOT NG MATINDING PANGAMBA DAHIL ITO ANG PANGUNAHING PINAGKUKUNAN NILA NG IKABUBUHAY AT PAGKAIN.
BUKOD DITO, NANANATILING MALAKING SULIRANIN ANG KAWALAN NG KURYENTE, KAKULANGAN SA MALINIS NA TUBIG, AT PAGKAANTALA NG KOMUNIKASYON.
MARAMI RING BAHAY, ESTABLISYIMENTO, AT PANANIM ANG WINASAK NG MALAKAS NA HANGIN AT PAGBAHA, DAHILAN UPANG MAHIRAPAN ANG MGA PAMILYA NA MULING MAGSIMULA.
TINIYAK NAMAN NI GOVERNOR EDGAR AGLIPAY NA PRAYORIDAD NG PAMAHALAANG PANLALAWIGAN ANG MABILIS NA PAGBIBIGAY NG TULONG, PARTIKULAR NA SA MGA SEKTOR NA HIGIT NA NAAPEKTUHAN NG PAGKAWALA NG KABUHAYAN.
SAMANTALA, NANAWAGAN ANG LGU NG CALAYAN SA NATIONAL GOVERNMENT, NGOS, AT PRIBADONG SEKTOR PARA SA KARAGDAGANG TULONG AT DONASYON NA MAKATUTULONG SA MABILIS NA REHABILITASYON NG ISLA.
HINIHIKAYAT DIN NILA ANG PUBLIKO NA MAGPAABOT NG SUPORTA SA PAMAMAGITAN NG PAKIKIPAG-UGNAYAN SA 09603124250 (OFFICE OF THE MUNICIPAL MAYOR).
