Dakop ang isa ka kabulig sa sulod sang balay sa ginhiwat nga buybust operation sa North Baluarte, Molo alas 4:30 kaina sang hapon, Abril 4.
Ginkilala ang suspek nga si Khatty Grace Joaquin, 25 anyos sang Cabugao Norte, Pavia.
Gindakop si Joaquin matapos gindaho sini sa poseur buyer ang isa ka sachet sang suspected shabu sa balor nga 600 pesos kag nakuhaan pa gid sang dugang nga 12 ka sachet sang illegal drugs.
Ginpahayag ni Police Master Sgt. Alfred Delano sang ICDEU nga ang suspek nagatrabaho sa isa ka pamilya sa North Baluartre, Molo kag ang nobyo sini amo ang subject sang buy bust operation kahapon.
Suno kay Delano nga sa ila paghiwat sang buy bust, ang nasambit nga babaye ang nagdul-ong sa ila sang shabu kag sang gindakop ini, nakapalagyo naman ang subject nga nobyo sini nga ginapahayag sa idalum sang Odicta drug group.
