Kadaghanan sa mga Pilipino wala na maglaom nga muasenso pa ang ekonomiya sa Pilipinas

Davao City- Gibutyag sa usa ka Zaira Seguia sa interview sa DXDC RMN Davao nga daan nang gipanaad sauna pa ang pagpalambo sa ekonomiya apan hangtod karon nag-antos gihapon sa kapait ang nasud.

Ang maong komento subay sa resulta sa Tugon ng Masa (TNM) National Survey sa OCTA Research, nga kadaghanan o 46% sa mga Pilipino ang nituo nga dili na mamahimong mulambo pa ang ekonomiya sa Pilipinas sa mga musunod nga unom ka buwan.

Laing 43% usab nituo nga magpabilin lang gihapon sa kasamtangang sitwasyon ang ekonomiya ug laing 6% niingon nga mas maglisod pa.

Dugang ni Seguia nga di na angay mulaom pa ug dawaton nalang ang kamatuoran nga ulahi na gyud ang Pilipinas sa kalambuan.

Hinuon sa samang survey, daghan gihapong mga Pilipino ang nagpabiling malaumon nga magmabungahon ang ilang kinabuhi sa musunod nga unom ka buwan.

Ang Tugon ng Masa survey gipahitabo niadtong Hulyo 22 ngadto sa 26, 2023 pinaagi sa “face-to-face interviews” sa 1,200 respondents nga nag edad 18-pataas sa tibuok nasud.

RadyoMan Ivy Parido