Ipatawag ni City Councilor Atty. Providencio Bong Abragan Jr.,pinaagi sa usa ka Committee Hearing ang mga kadagku-an sa Philippine Ports Authority kun PPA aron matin-awan ang isyu karon sa resibo nga ilang gipanghatag nga tag kinse pesos apan magbayad ug tag-byente singko pesos.
Isip chairman sa Committee on Transportation sa hawanan sa konseho buot ni konsehal Abragan nga ipatin-aw sa kadagku-an sa PPA ang dili makatarunganong kalihukan sa maong ahensya sa gobyerno.
Nagtoo si Abragan nga posibleng adunay dili maayong nahitabo sulod sa PPA gumikan sa maong alegasyon sanglit pwede man unta nilang ibutang sa kinse pesos nga resibo ang dugang 10 pesos ug pirmahan lang sa kadagku-an sa port area.
Alang kang Abragan, kinahanglang manubag gayud ang PPA sa nasangpit nga alegasyon alang sa katin-awan sa katawhan sa dakbayan sa Iligan.(RMN DXIC ILIGAN/GHINER CABANDAY)
