Kadagkuan sa PISTON Surigao Del Norte, naglibot-libot sa Surigao City. Ini sa pagkumbnsir sa mga kaibanan na suportahan an ila kawsa para batukan an plano sa gobyerno sa pag-phase out sa karaan na mga jeepney diri sa Pilipinas. Matud pa ni Hersey Angob, an PISTON Coordinator na sugod ganina buntag an ila paghunong sa pagbiyahe lakip an paglibot-libot sa tunga sa siyudad para sa pagpahibayo sa phase out. Gani may tuyo ka lugar sila na didto nagtapok-tapok, isa sa may Checkpoint, ikaduha sa Rizal-San Nicolas ug ikatuyo sa Borromeo-Sarvida St. inin siyudad. Dugang pa ni Angob, para may kita gihapon an mga driver ug operator sakop sa PISTON, ila tagtugutan an mga ini na mobalik sa pag biyahe kuman hapon. Ini isip isa sa mga aktibidad nila sa Nationwide Transport Strike kuman adlawa.
