Gumikan sa kakusog sa bundak sa ulan kaganihang kaadlawon gibaha ang kadalanan sa Barangay Pangi, Poblacion Maco, Davao De Oro nga naka apekto sa normal nga dagan sa mga sakyanan.
Sumala ni Franz Irag, spokesperson sa Office of the Civil Defense XI nga giaksyonan gilayon sa Provincial Disaster Risk Reduction Management Council sa Davao De Oro ang karsada nga dili maagian sa mga motorista pinaagi sa Department of Public Works and Highways nga mihimo ug road clearing operation.
Matud ni Irag nga sa kasamtangan maagian na sa mga motorista ang dalan sa Barangay Pangi human ang clearing operation sa mga minor landslides sa mga personahi sa DPWH sa probinsya sa Davao De Oro.
Gipaklaro sa tigpamaba nga walay naapektuhang mga pamilya ingun man damyos sa inprastraktura sa naasoy nga pagbaha gumikan sa kusog nga bundak ulan kaganihang kaadlawon.
RadyoMaN Erin Lumosbog
Facebook Comments
