Kadayawan 2018 ‘all-systems-go’ na

30

Davao City – Hitsas na ang pagpangandam alang sa ika-33rd Kadayawan Festival nga pagasugdan karong Agosto 10, 2018.

Kini ang gibutyag ni Kadayawan Festival Director Gatchi Gatchalian atol sa gipahigayong Kapehan sa Dabaw sa usa ka dakong mall sa Ecoland ning dakbayan.

Sumala ni Gatchalian nga execution na lamang ilang kulang nga ipatuman karong Agosto 9.

Dugang sa festival director sa usa sa pinakadako nga selebrasyon sa dakbayan sa Davao, anaa na sa kapin P20-M ang nakalap nga kwarta gikan sa sponsorships sa mga pribadong sektor.

Gani gi-awhag ni Gatchalian ang mga Dabawenyo nga mutambong ug saksihan ilabi na ang Subang Sinugdanan nga ipahigayon sa Magsaysay Park diin ipasundayag ang unang pagnagtagbo sa mga Lumad ug Moros dinhi sa dakbayan sa Davao.

RadyoMaN Jason Amisola

Facebook Comments