Matud ni Public Safety and Security Office chief Angel Sumagaysay, muarangkada ang unang coordination meeting sa mga security forces una matapos ang bulan sa Hunyo para sa pagpalig-on sa seguridad sa syudad.
Sumala ni Sumagaysay mag-agad pa kini sa opisyal nga talaan sa mga aktibidad sa Kadayawan aron masuta pila gayod ang gikinahanglang ipang-deploy nga mga personahe.
Tungod adunay mga Kadayawan events nga ipahigayon na sa hapon, adunay mga pagahimuong adjustments sa seguridad.
Gibutyag niini nga bisan walay direktang threat sa seguridad ang dakbayan nagpabiling taas ang alerto sa mga security forces.
Dako usab ang kumpyansa ni Sumagaysay nga sama sa mga nakalabayng mga katuigan magmalampuson ug hapsay ang Kadayawan sa Davao.
RadyoMaN Aimee Guinita
