TACLOBAN CITY – Gin-deploy na han Philippine National Police (PNP) an kadugangan nga 200 nga mga kapulisan ha syahan nga distrito han Samar para han seguridad yana nga Barangay ngan Sk Elections.
Basi ha report han PNP Region 8, mayada total 173 shooting incidents an reported dida han tuig 2016 ha Calbayog City, Gandara, Sta. Margarita, Matuguinao ngan ha San Jorge ha Samar.
An mga insidente in gin-aaligar ginbubuhat han mga grupo han mao nga probinsya.
3 na nga personalidad an arestado samtang 20 pa an padayon nga ginbibiling ngan may standing nga warrant of arrest.
Nakipag-koordinar ni hi PNP Regional Director PCSupt. Gilberto Cruz ha mga alkalde ha rehiyon para madakop ini nga mga suspek.
Umapela naman hi Calbayog City Mayor Ronaldo Aquino kan Cruz nga an mga bag-o nga nadeploy nga kapulisan in dapat diri kaptan han probinsya para daw waray na damo nga mga pakiana.
Nagpatapod naman hi Cruz nga an mga kapulisan in kapot la gihapon han Regional Police.
Abiso naman ni Cruz ha publiko nga dayon nga magreport ha pinaka harani nga police stations kun mayada mga harrassment tikang ha mga kandidato, political supporters o nga armado nga grupo.
