Gipaabot nalang ni City Mayor Celso Regencia nga ma-aprubahan sa mga sakop sa Sangguniang Panlungsod karong adlawa atol sa ilang regular nga session ang salapi nga idonar sa kagamhanang lokal ngadto sa mga nabiktima sa linog sa Davao ug Cotabato.
Gibutyag sa amahan sa syudad nga aduna siya’y gigahin nga kapin tres milyones pesos nga salapi aron ihatag ngadto sa nahi-agum sa kalamidad niadtung nakalabay’ng semana.
Matud ni Regencia, mas maayo nang kita ang motabang kay sa kita ang tabangan.
Gibutyag ni Regencia nga nagkinahanglan gayud ug tabang ang mga biktima sa linog tungod daghan man kanila ang nabiktima sa wala damha nga kalamidad.
Kun ma-aprubahan karong adlawa ang maong salapi mabuhatan dayon kini ug cheke ug direkta nga ihatag ngadto sa lugar kun asa grabeng na-apektuhan sa linog.
