Kagamhanang lokal sa Iligan nagtinguha ug community college aron matabangan kadtong uban nga dili makapasar sa MSU-IIT

34

Gitinguha karon sa kagamhanang lokal ning dakbayan sa Iligan ang pagmugna og Community College gamit ang mga building sa Iligan City National High School.

  Gibutyag ni Konsehal Noli Pardillo nga iya nang iduso sa konseho karong bulan sa Enero ang balaudnon alang sa pagmugna og community College nga ipahimutang sa ICNHS.
 
Matud ni Pardillo nga adunay mga oras nga wala nay klase ang mga lawak sa maong tunghaan busa mamahimo kining magamit alang sa klase sa Community College.


  Dugang ni Pardillo nga tumong sa maong lakang mao ang paghatag og kahigayunan sa mga kabus nga kabataan nga makatapos og kurso sa kolehiyo nga dili makapasar sa entrance exam sa MSU-IIT.

Facebook Comments

From Advertisers