Kagamhanang lokal sa Iligan suportado ang mga kalihukan sa ICDRRMO!

Iligan City- Gikunpirma ni Iligan City Disaster Risk Reduction and Management Office kun ICDRRMO Head Patrick Nuñez nga suportado gayud sa kagamhanang lokal ilabi na ni City Mayor Celso Regencia ang ilang mga aktibidadis sa hisgutanang pagpangandam sa kalamidad. Sumala ni Nuñez nga aprubado tanan ni Mayor Regencia ang tanang kalihukan sa ilang buhatan ilabi na ang bag-ohay lang nga nagmalampuson niadtung adlaw’ng biyernes nga National Earth Quake Drill. Sa maong kalihukan gibutyag ni Nuñez nga bisan pa ug aduna nay kahibalo ang pipila sa mga empleyado sa tagsa-tagsa ka establishemento nga misalmot sa drill kinahanglan gihapon ang matag karon ug unya nga pagpangandam. Matud ni Nuñez nabuhat sa insakto sa mga partisipante ang angayan ug dili angayang buhaton panahon nga adunay kalamidad sama sa linog ang mohapak sa dakbayan sa iligan.

(photo credits: Kasamang Jay Cabanday)

Facebook Comments