Kagamhanang lokal sa Misamis Oriental, mapasalamaton sa tanan

Mapasalamaton ang lokal nga kagamhanan sa Misamis Oriental pinaagi sa pagpangulo ni Gobernador Bambi Emano ngadto sa tanang molupyo sa lalawigan, kapulisan, kasundalohan, civic ug civil organizations, non-government organizations ug sa tanang ahensiya sa nasudnong buhatan.

 

Kini tungod sa ilang kooperasyon nga maoy hinungdan sa malinawon, mabulokon ug undanong kasaulogan sa pasko ug bag-ong tuig.

 

Nanghinaut si Governor Emano nga unta magpadayon ang tanan sa ilang suporta sa kasamtangang pamunuan sa paningkamot nga magpabiling malinawon, organisado ug luwas gikan sa kadaut ang tanang umaabot nga inadlaw’ng kalihukan, paningkamot ug panikay-sikay sa katawhang Misamisnon.


 

Gidugang sa gobernador nga ning tuig 2019, unta padayon ang tanan nga moduyog ug magpaluyo ilabina sa tanang umaabot nga buluhaton alang sa pagkab-ot sa dugang kalamboan.

Facebook Comments