Isip paghatag ug kalingawan sa mga senior citizens, ang kagamhanang probinsyal mopahigayon ug Ballroom Dancing Showdown for Senior Citizens alang sa Saulog 2018 karong Hunyo 4, sa Dipolog City Boulevard.
Kini subay usab sa pagsaulog sa ika-66 ka tuig nga kasumaran sa pagkahimugso sa Zamboanga del Norte sa Hunyo 6.
Matud pa ni Ms. Lenie Caastañeda, ang OIC sa Provincial Tourism Office nga kini bukas alang sa mga senior citizens nag nanimuyo dinhi sa Zamboanga del Norte.
Ang matag lungsod gitugutan lamang sa pagsumite sa usa lamang ka parsian sa babaye ug lalaki.
Ang matag contestant kinahanglan mosumite usab ug photo copy sa ilang senior citizen ID.
Ang makakuha sa first prize makaangkon sa premyo nga P5,000, second prize-P4,000, third prize-P3,000 ug ang non-winners makadawat sa tag P2,000 isip consolation prizes.
Dugang pa ni Ms. Castañeda nga ang mga contestants kinahanglan moapil sa technical rehearsal nga ipahigayon sa Hunyo 4, sa may al;as 2:00 ang takna sa hapon sa Saulog Main Stage.
Ang deadline sa pagsumite sa entry gikatakda karon Hunyo 1.
Alang sa dugang kasayiran pakigkita lamang ni Ms. Elba Fiel, sa Provincial Tourism Office ug mahomong mo-contact sa telepono (065)2129677 o 09289955382.(PGO)
