Davao City – Gipusil patay sa wala pa mailhing mga suspetsado ang kagawad sa Barangay Gumalang, Baguio District ning dakbayan alas-7:30 sa gabii.
Giila ang biktima nga si Francis “Bongbong” Balucos.
Sa interbyu sa DXDC RMN Davao kang Police Major Archilles Bargio, Baguio Police Station Station Commander, posibleng personal nga dumot o work related ang pipila sa mga gilantaw karon nga motibo sa pagpatay sa biktima.
Sumala ni Barguio, gisubay nila ang mga ulahing aktibidad sa biktima lakip na ang tanod nga ulahing nakauban niini, una kini gipusil sa mga nakamotor nga mga suspek. Giingong gikuha pa sa mga suspek ang cellphone sa biktima human sa pagpamusil dayon kini nisibat.
Matud sa mga naka-saksi nagbaktas ang biktima padulong sa iyang trabahoan sa dihang gipusil.
Girekomendar usab sa kapulisan nga ipailawom sa awtopsiya ang patayng lawas sa biktima nga anaa karon sa St. Peter’s Calinan.
RadyoMan Aimee Guinita
