Na agua calyente ahora el un kagawad de Tumaga despues este ya hace sinti duele con un mojer menos pensante na mismo barngay hall del Martes.
Na entrevista del RMN con el Capitan del Barrio si Jacky Lim ya habla le el incidente ya ocuri cuando si Nena, gendeh verdad su nombre yan pelyajan y su prima.
Ya anda si Nena na barangay hall para reporta el incidente y mientras ta espera le su turno para reporta con el kagawad on duty, atiempo tambien presente si kagawad Jake Nico Fabian quien gendeh duty aquel tiempo.
Asegun con Lim ya tene argumento si Nena y si Fabian.
Asegun yede tai si Nena si porque si Fabian ta manda conele sale.
Na monton del maga gente ya gala si Fabian el pelo di Nena hasta ya puede este habla conele animal.
Porcausa conel palabra animal, ya patia si Fabian con Nena y ya tupa na su parte.
Gendeh pa content, ya palmadia que palmadia pa si Fabian con Nena.
Asegun con Lim derecho del victma junto consu mayores para planta caso con Fabian.
