Davao City- Nakabsan na og kinabuhi ang usa ka Brgy. kagawad sa Brgy. Ihan, Kiblawan Davao del Sur kinsa nalambigit sa aksidente sa dalan kagahapon sa Tanlawang Sulop, Davao del Sur.
Kini ang gikumpirma ni PO2 Joeji Cababat, traffic investigator sa Sulop PNP atol sa interbyu sa DXDC RMN Davao kaniya diin sumala niya, gidala pa sa Provincial Hospital sa Digos City si Brgy. Kagawad Noel Laurente ug gisulayan pa’g tabang sa mga attending physicians apan nakabsan na kini sa iyang kinabuhi.
Kahinumduman nga kaniadtong miaging adlaw, nagbangga ang usa ka motor ug elf sa nasangpit nga dalan diin sa pagpanubay sa kapulisan sa Sulop, mi- overtake sumala pa ang motor sa usa ka payong-payong ug nitabok sa pikas nga direksyon hinungdan nga mibangga ang motor sa elf.
Dugang ni Cababat, nagkasinabot ang pamilya ni kagawad ug tag-iya sa elf nga dili na pasakahan og kaso ang driver niini nga giilang si Allan Borembao gani nakagawas na sa prisohan si Borembao ug gi-release na usab ang elf.
Sa karon, duna nay pasiunang tabang pinansyal nga gihatag ang tag-iya sa maong elf ngadto sa kabanay sa mipanaw na nga Brgy. Kagawad.
RadyoMaN Renz Barbarona
