Pagadian City – Dead on the spot ang 37-anyos nga Barangay Kagawad human kining gipusil sa wala mailing responsable sa bakanteng lote sa Purok Masanagon 1, Brgy. San Pedro ning syudad sa Pagadian alas 11:30 kagahapon sa buntag.
Giila ang biktima nga si Nelson Esmael Sasao (alyas Nel, kasamtangan nga Barangay Kagawad sa Bulanit, Labangan, Zamboanga del Sur.
Sa inisyal nga imbestigasyon sa Pagadian City PNP, samtanga nagbaklay ang biktima sa nasangpit nga lugar gisundan kini sa suspek ug dihang nakahigayon gipusil ang biktima sa ulo gamit ang calibre 45 nga pistola nga maoy hinungdan sa hinanali nga kamatayon.
Sigon sa nakasaksi nagsul-ob og kalo ang suspetsado ug maskarado nga nagbaklay human sa pagpamusil paingon Barangay Kawit ning syudad.
Nahipos sa dapit nahitabuan ang usa ka basiyo sa bala sa calibre 45 nga pistola.
Ang patay nga lawas gidala na sa pinuy-an sa Barangay Bulanit, Labangan.
Personal nga bangi ang gisundan nga motibo sa kapulisan nga kasamtangang naglusad sa hot pursuit operation.
