Davao City – Gipusil-patay ang usa ka Brgy. Kagawad sa Brgy. San Jose, Sto. Tomas, Davao del Norte, alas 10:30 kagahapong adlawa, Hulyo 7, 2018 sa Purok 1, Brgy. New Katipunan, Sto. Tomas.
Sa report gikan sa Police Regional Office kun PRO XI, giila ang biktima nga si Jeramil Andoyo Dinolan, 38 anyos.
Subay sa inisyal nga imbestigasyon sa Sto. Tomas Municipal Police Station, pauli na matud pa ang kagawad sakay sa iyang motorsiklo gikan sa Brgy. Kimamon apan pag abot sa incident area, atbang sa simbahan nga Foursquare gospel, gipusil kini sa wala mailhing mga suspek ug naigo sa iyang dughan.
Daling gidala sa balay-tambalanan ang biktima apan gideklara na kining dead on arrival.
Sa karon, naglusad na og follow-up investigation ang kapulisan sa Sto. Tomas sa pagpusil-patay sa brgy. kagawad.
RadyoMaN Renz Barbarona
