TACLOBAN CITY – Nagdurot hin panic ha publiko an 6.5 magnitude earthquake nga umigo ha Eastern Visayas dida han martes han kulop, April 23 tungod han trauma nga mahataas an tubig-dagat pareho han nahinabo dida han 2013 Super Typhoon Yolanda.
Tigda nga nagsuspende hin operasyon ha mga eskwelahan, opisina ngan mga business establishments, an mga tawo nga nakadto ha mga kakalsadahan in karuyag na umuli ha ira mga panimalay.
Ha interview han PNA, sumala kan Col. Michael David, Tacloban PNP Police Director, normal la an nagin reaksyon han mga tawo tungod mayada na trauma han Yolanda kun diin sobra 2,000 an nagkamatay.
“Ginlibot namon an syudad para sidngon an mga tawo nga waray tsunami alert, nagpanic naman gud tanan.”
An kahadlok han tsunami an nakagdurot hin magbug-at nga traffic ha syudad.
An mga residente nga naukoy ha coastal areas in nandadlagan tipakadto ha hataas nga lugar upod an ira mga anak ngan gamit.
