Bacolod City – Ginpapriso sang amay ang iya hilaw nga umagad nga babayi lakip man ang kerido matapos nadakpan sini ang lalaki nga gindala pa sa ila nga balay sa diin siya naga-istar.
Detained karon sa Police Station 4 ang 29 anyos nga lalaki, single pumuluyo sang Brgy. Mandalagan matapos ini siya ang nadakpan sa sulod mismo sang kwarto tubtob nga nagpalagyo paagi sa pagsaka sa atup sang balay sang tagreklamo sa Brgy. Estefania sang nagligad nga gab-i.
Ginpahayag nga nagpangayo sang bulig sa mga barangay tanod, subdivison security kag sa pulis ang amay matapos nga may nakita nga may iban nga tawo sa ila balay tubtob nga sumaka sa atup, nagkuob-kuob nga daw kaangay sang kawatan nga nagpanago.
Sang gin-usisa didto kag nadiskubrehan nga ang suspek gali ang kulu-kerido sang 26-anyos nga live in partner sang iya bata nga ato sa gwa naga obra bilang isa ka seaman.
Ang babaye kag ang seaman ang may ara na sang bata nga isa ka bilog, apang indi mahakos sang hilaw nga ugangan ngaa nga nagapangerido pa ang babaye bangod palangga man siya sang iya bata.
Sang Agosto nanaug sa barko ang lalaki, kag isa man sa ginakatingalahan nila, ngaa nga nagabusong ini sang lima palang ka bulan.
Suno pamilya sang seaman madugay na sila nga nagaduda nga nagapanglalaki si babayi apang wala sila sang mabakod nga ebidensya tubtob nga ila nabuking bangod nagsulong na gid mismo ang kerido sa ila balay.
Apang indi man nila mapasakaan sang kaso ang duha bangod indi sila kasado sang live-in partner nga seaman.
Sa karon, wala pa nila napabalo ang seaman sa kahangawa basi maglumpat ini sa barko bangod sa masakit nga gindangatan sang iya paghigugma apisar sang iya pagbaka-baka.
